cut off 先嚟病

琴晚同左個friend 去左觀塘大排檔食野, 我個friend 話我生日都未同我食飯, 所以琴晚咪佢請囉~ 可以太餓的關係.... D 野又太油喇.... 今日仲滯左好辛苦啊~ 嘔得好辛苦啊~ 真係好想射波, 唉~今日又係CUT OFF DAY 又真係唔係幾好....

新年快樂

就嚟又新一年, 新的一年有新的開始, 新的進步, 總之咩都好啦~ 我又可以返去見我老豆喇! 好掛住佢啊~ 好想快d快d 到, 又有利是.... 哈哈! 好期待啊~
祝大家:　健健康康! 開開心心！逗多Ｄ利是！　

葉問

琴晚睇左葉問喇~ 唔止打交戲咁簡單, 其實仲有攪笑的一part, 好睇! 大家不妨去睇下, 開場睇到甄子丹d gag既對白，就知道唔會訓, 估唔到有樊少皇，D武打人嚮曬度! 仲有池內博之都好靚仔喔~ 各位christmas 又可以多個項目啦!!! 正~

Merry Christmas!

仲有幾日就係Christmas喇, 我諗有男女朋友的朋友一定好其待聖誕有咩function攪, 有咩禮物收, 見到個個都咁開心真係好開心, 哈哈..... 如果... 唔駛返工就好喇~ 不過都冇辦法啦! 祝個個都有個好 Merry的 Christmas!!! CHEERS~

Annual Dinner NS-2008

今晚又係一年一度的Annual Dinner, 個個人都好期待各項大獎, 可惜太多指定買什麼什麼的獎賞同禮劵, 個個都話唔要買衫買鞋獎賞, 又唔要什麼什麼的Coupon(唔通真係淨係買巾咩～), 好彩我都算 lucky, 抽中簽賬獎賞@" 唔駛焗住買Ｄ咩～　哈哈！！！
　Ar Shan 都帶埋老公同小Shan Shan B 一齊黎, 小Shan Shan B 果然旺喎!!! 仲有多謝 Monica, 多謝您抽中我, 都大拿拿五百蚊嫁! 您話好開心抽到係我, 我都好開心係您抽到我嫁～　

深圳按摩

上星期六去左深圳o的蘭桂芳按摩, 大家不妨去試下, 個場好大好舒服, 又可以過夜, 我攔左個中式按摩, 仲送兩個大堂服務 (有按頭, 修手, 修腳, 足浴, 采耳, 按腳, 刷背...), 又有免費宵夜食到凌晨3點, 都係$168, 但要俾TIPS 人地喎~ 大約每人二百頭蚊多D啦! 其實去到皇崗坐的士25蚊到, 第二朝你想出去, 可以叫佢地的司機載你出返最近的地鐵站, 咁大家又可以坐地鐵去老街站(東門)行下街街, 如果放假冇野做都可以去玩下,唔錯嫁!

Congratulation to Polly~

Polly, 恭喜您啊! 您個仔仔好 Q 好可愛喔~ 眼仔一定好似您咁大, 您同B B 一定要健健康康, 開開心心, 您同您老公見到您地個結晶一定好興奮好感動啦~ 哈哈!!! 您地一家人三口一定會好幸福好快樂的喔! 您要多多休息, 條理好身體, 您一定要強壯D 啊, 媽媽~　 BB 都要加油喇，要乖乖聽媽媽話啊～

愛上泰國菜

上星期六同左HONEY 去食哩個旺角真心食泰國菜, 簡直超GOOD~ 今次係第二次o係o個度食, 當然有叫我的 "賣飛佛" - 咖哩炒蟹 (D汁勁多勁正!) 好掛住啊@@

哈哈! 星期日又到 Natalie^ 返左嚟, 今日係佢 Daddy birthday, 所以返嚟俾個驚喜佢 Daddy囉! 星期日晚, 我 , 叻, yu, mela 去左西貢再食泰國菜, wahahaha!!! 好好味啊^.^ 西貢的泰國菜仲平, 叫左五個餸同埋一個南瓜盅海鮮飯, 每人 一百蚊都唔駛, 但係咩名就唔記得喇~ BUT 我識得去呢!

手袋的愛情文章

看見一篇有關「為女孩子提手袋」的文章，這是老掉牙的話題，但人總能在舊話題中找到新意溫故知新的吧。留言中同意與不同意的各佔一半，覺得應替女孩拿手袋的多是女性，而覺得不應的多是男性。這個結果是意料之內，有趣的是雙方的論點 (假設留言中沒有反話)。
男方的意見是替女友拿手袋是一種不體面的事，覺得一個大男人拿著女性化的手袋實在有失體面。為什麼呢? 因為女性化的手袋並非單純的工具，也是一種女性的裝飾物。強要一個男人挽起這個袋是一件很難看的事，不但令男人在其他男人面前失去形象，也為女方做成了一個「不懂大體」的形象。
女方的意見有幾方面。首先，手袋不等於裝飾品，就像大衣之類的，拿在手上並沒什麼問題。其次，她們不認為男人拿著女裝手袋有什麼問題，覺得只是男方「過份自尊」(其實是自大+自卑)作祟而已。也有認為願意為女孩拿袋是可愛、貼心的，因為他願意為她放下「面子」。最後，問題轉到「為什麼你們會覺得男人拿女裝手袋是難看的?」這點了...我嘛，當然是支持男方! 但那不是自己地頭，我也無謂在留言中暄賓奪主。有趣的是女孩子的一個想法: 拿女裝手袋沒有問題，就算有問題也是你們這些男人用奇怪的角度看這件事而致的問題。對呀! 為什麼我們會覺得這個行為不好? 真的是因為自己不讚成就攻擊其他「好男人」嗎? (就像罷工者對復工者的怨恨....吧?)把手袋和大衣作比喻是不恰當的，因為手袋的用法就是拿來挽。請注意我們不是說「不為女孩子拿手袋」，而是「不拿女性化的手袋」，兩者之間差天共地。至於那些「女的拿著三抽四袋、男的兩手空空才好看」明顯是為辯而設的例子，三抽四袋一般來說不會都是女性化的手袋吧(就算是也應該是剛買回來外有購物袋的那種)!
另一個留言也是很有意思的: "替女兒拿著Hello Kitty 書包又算不算難看呢?"。一般人應該會覺得這是溫馨的一幕，覺得難看的才是奇怪吧? 好了，問題出現了，同是女性化的東西，為什麼我們會有這種雙重標準呢?先說一個故事。我幾年前在一家小學當代課老師，因為我是新老師，比較年輕也不夠惡，所以那些一年級的小孩子也頗喜歡我。小息當席時總有一班小孩圍著我，也經常要讓著要我拖他們的手。後來，轉到一家弱智學校當助教，小一當然要拖著。那些十四五歲的孩子也有同樣的要求。結果大家也猜到吧? 我不介意拖小一的那些孩子，卻不會拖弱智學校那些十四五歲的孩子。為什麼呢? 首先因為我們對小孩總是會縱容的，其次，也是關乎能力的問題。小一的那些孩子不拖著的話很易會跌倒，十四五歲的還跌倒就叫他們自己爬起來。同樣道理，為什麼我們不介意替女兒拿書包，卻介意替女朋友/妻子拿手袋呢? 第一，我們縱容女兒，不介意因為她而做任何事。其次，我們相信女朋友已經是成年人，有照顧自己的能力。挽一個袋不是什麼大不了的事，我們不願意失去那一點點面子。如此說來，男人願意為女人拿手袋是因為「愛」的表現這點就不能否認了。因為你愛那個人，所以不介意為她而做出有失面子的行為。這點是不能否認的，但女孩子們，你們捨得破壞那個愛你的男人在他人眼中的形象嗎? 當初吸引你們的不是能使你進步、令你要用仰角來看他的那個男孩嗎? 你真捨得令他變為一個平凡但只是愛你的人嗎?愛，是雙方面的。
女仕們，下次叫男伴拿手袋前可以先考慮一下人家的感受嗎? 真的太重的話，其實男人不會介意你隨便用一個環保袋把重物袋起交給他們的。男人不是不想為你們分擔肩上的重擔，只是不想拿那個袋而已。

我同意 : 男人，請放下手袋 (真的難睇呢~)

期待

每個女孩都期待，能擁有愛能夠被人愛，不受傷害．．．．．．

http://hk.youtube.com/watch?v=vOWv7amBync

想去旅行

好想去旅行啊, 好想去泰國啊, 上次都玩唔到......好慘啊! 但係又要儲錢....... 咁要等到幾時啊~ 如果可以梗係玩半個月啦!!! (但係又冇咁多假囉~) 快o的同我去玩啦 ......

香水

一個殺人者的故事

1738年，Jean-Baptiste Grenouille於巴黎一個魚市場呱呱落地，天生沒有體味的他，嗅覺卻極度敏銳。童年坎坷的他住過孤兒院、在環境惡劣的皮革廠做過童工後，輾轉間被香水師Baldini賞識，並開始學習調製香水。Grenouille混合香味的技巧很快已青出於藍，但他心底裏最迷戀的其實是女性體香，這種欲望更令他不能自拔，每次碰到氣味叫他心儀的女性，他都會把她殺死，然後用她製成香水！
為了尋求一支最終極、最完美的香水，Grenouille前往法國著名「香水之都」格拉斯(Grasse)。途中他遇上體味異常動人的Laura，決意要把她的獨特氣味收進香水內，永遠只供他一人獨享。
另一邊廂，Laura的商人父親Richis留意到十二個年輕少女連環被殺的消息，深怕自己女兒的生命亦受到威脅。他帶着Laura逃到地中海一間偏僻臨海旅館，但Grenouille卻毫不費力跟隨著Laura的香氣而至......結果 ......

電腦"sort"左

唉~ 屋企部腦"sort sort" 地啊, 成日都窒下窒下咁, 見到個mon "斬下斬下"就想死!!! 連我個拍賣都做唔到 ~


我個拍賣(Update 左少少咋)
http://hk.search.auctions.yahoo.com/search/ac?p=asharonii&cat=0&ysm_pat=asharonii

自助餐 buffet

好內冇食buffet，　有咩好介紹呢？　最好夠多種類又好食啦，價錢ok啦！　

脫髮@

死啦!!!　我發現近來有脫髮, 仲要好多, 我係咪有事呢~

好驚啊! 我會唔會生CANCER 嫁 , 有咩方法可以令頭髮快長嫁?

好! 我決定每日食 Lifepak@